ఈనాడు - హాస్యం - వ్యంగ్యం - గల్పిక
మాయలోళ్లు
రచన కర్లపాలెం హనుమంతరావు
( ఈనాడు - ప్రచురితం - 21-01-2014 )
కంటికి కనిపించేవి కొన్ని, కనిపించనివి కొన్ని మొత్తానికి ప్రస్తుతానికి నడుస్తున్నదంతా టోపీ రాజకీయమే.
'పదమూడు నెలలు తిరక్కుండానే ఆమ్ ఆద్మీకి అధికారం కట్టబెట్టింది హస్తిన ప్రజ. అప్పటి బట్టి బడానేతలందరి దృష్టి హ్యాట్ ట్రిక్ పైకే మళ్లింది. ఇప్పటిదాకా అమాయకుల నెత్తికి మాత్రమే టోపీలు . ఇప్పుడు పోటీ అంతా తమ నెత్తిన తామే పెట్టుకునేందుకు . తిరగడానికి . జనాల టైపు టోపీలు కనిపించవు . సొంతానివి మాత్రం తళతళా మెరుపులు !
ప్రారంభంలో మనవి తలపాగాలే. టోపీ పరిచయం తెల్లవాడితో. ఓడ దిగీదిగగానే బుర్ర మీది 'టోపీ' ఎత్తి భారతీయులను బుట్టలో పడేశాడు. సరకులు అమ్ముకుంటామని వచ్చి దేశం ఆసాంతం మురుకుల్లా నమిలేశాడు. తెల్లవాడి పీడా వదిలినా, వాడి 'టోపీ' మాయ మాత్రం మన నెత్తిమీదనుంచి దిగటంలా!
బాపూతో పాటు దక్షి ణాఫ్రికానుంచి దిగుమతయిన టోపీ? పాపం, బాపూజీ ఆ టోపీ వాడకం నిరాడంబరానికి గుర్తు. ఆయన గుర్తుకు అని చెప్పుకొనే శిష్యుల వాడకానికి రకరకాల కోణాలు. మాత్రం . . ' టోపీ పార్టీ ఇక వద్ద' ని మొత్తుకున్న పెద్దాయనకే చివరికి ' టోపీ ' పెట్టిందాయన శిష్యగణం !
పురానా జమానాలో పనామా కాలువ తవ్వే జనాలకు ఎండపొడకు రక్షణగా పుట్టిందీ టోపీ . టోపీ పెట్టుకు తిరిగే చరిత్ర క్రీస్తుపుట్టక పూర్వానిది. మెక్సికోలో పురాతన కట్టడాలు తవ్వేటపపుడే ఓ శవం నెత్తి పై టోపీ ప్రత్యక్షమయిందని చరిత్ర. చచ్చినా వదలని టోపీ గురించి ఎంత చెప్పినా తక్కువే!
ప్రతి బడుగుజీవికి నెత్తిన ఓ టోపీ పాలసీ మన దగ్గర. నూట ఇరవై రెండు కోట్లకు పైబడిన జనాభా ! ఎన్ని రకాల టోపీలిక తయారు కావాలి! కాబట్టే మన దగ్గర కనిపించేటన్ని టర్కీ టు ఇటలీ మార్కు మొత్తం కూడినా తక్కువే! టోపీలకు బ్రిటన్ అమెరికాలు మహా ప్రసిద్ధి. మన దగ్గర మాత్రం ' ఇటలీ' మేడ్ కి మహా రద్దీ!
టోపీలూ హ్యాట్లూ మన టైపు సంస్కృతీ సంప్రదాయాలకు సూటు కాదు, కానీ టోపీలు పెట్టడం .. పెట్టించుకోడంలో మన రేంకే టాపు .
విష్ణుమూర్తి సుదర్శనం ప్రయోగించిన చివరి క్షణంలో గాని ప్రత్యక్ష మయేది కాదు. మన నేతలు పెట్టే టాపీలు అలాకాదు. దెబ్బై పోయిన తరువాతనే నెత్తికి పెట్టారని తెలిసేది!
ఇంద్రజాలికుడు పి.సి.సర్కారు పిల్లపిప్పర మెంటు బిళ్లల నుంచి, ఆడపిల్లలకు బొట్టుబిళ్లల దాకా ఏది కావాలన్నా టోపీ నుంచే తీసిచ్చేది! మనా సర్కారు ముందు పి.సి సర్కారు మాయ బలాదూర్ . సంక్షేమ పథకాలు, అభివృద్ధి ప్రణాళికలు, ఉపాధి హామీలు, ఆహార భద్రతలు, అవినీతిని అడ్డుకునే చట్టాలు, అర్హులకంటూ ప్రదానం చేసే భూ పట్టాలు... గట్రా గట్రాలు అడక్క ముందే టక్కున టోపీ నుంచే తీసిచ్చేస్తారు !
కళ్యాణకట్టల దగ్గర అట్టముక్కల పైన గుండుకు ఓ నామం ఉచితం, నామానికి ఓా టోపీ ఉచితం అని రాసుంటే చూసి నవ్వుకుంటాం . సర్కారు చేసే మాయలను మాత్రం మా బాగా నమ్ముకుంటాం . 'ఓటు' పత్రాన్ని భక్తిగా బ్యాలట్ పళ్లింలో పెట్టి మరీ నేతలకే దేవుల్లాకు సమర్పించు కుంటాం. గుప్తుల బ్రాండ్ స్వర్ణయుగం కోసం కళ్లు రెండు కాయలు కాసేలా ఎదురుతెన్నులు చూస్తుంటాం . గుప్తులకాలంలో కనిపించని టోపీలపై మన పాలకులకు మహమోజని ఆలస్యంగా గుర్తిస్తాం . గుడ్లు అప్పుడు వెళ్ల బెట్టేస్తాం!
రామాయణ కాలంలో భరతుడు అంత "మీద పెట్టి అమాయకంగా అడవులు పట్టిన అన్నగారి పాదుక లను పట్టుకొచ్చి సింహాసనం పాలన సాగించాడు. అదే కథ ఈ కలికాలంలో కనక పునరావృతమై ఉంటే పాదుకులకు బదులు 'టోపీ' కూర్చుని ఉండేదేమో సింహాసనంమీద. జటోపీ లేకుండా రామాయణమైనా, మహాభారతమైనా సరే రక్తికట్టే కాలం కాదిది. కమలనాథులూ కాషాయం టోపీల మీద పడ్డారంటే కథ ఎండాకా ముదిరిందో అర్థమవుతుంది.
సొంత నెత్తికి గొప్పగా కనిపించేటట్లు హ్యాట్లు తగిలించు కుని ఊరేగడం, ఓటేసేవాడి నెత్తికి ఏమాత్రం నొప్పి తెలీ కుండా కుచ్చుటోపీ తగిలించడమేగా పటాటోపం' అంటే జనం సొమ్ము లక్షల కోట్లు కుమ్మేసి ఆ కేసుల నుంచి నిక్షేపంగా బయటపడటానికి దేశాలు పట్టుకు తిరిగే యువనేత ఓదార్పు పేరుతో మంది నెత్తికి పెడుతున్నవి టోపీలు కావూ? పొద్దస్తమానం నిజాయతీ గురించి ఉపన్యాసాలు దంచే ఆ పెద్దమనిషి నిజానికి ఎన్నికల గుర్తుగా ఎంచుకోవాల్సింది 'టోపీనే
మోరెత్తి కాస్త అటు హస్తినవైపు ఓపిక చేసుకుని చూస్తే తెలుస్తుంది- 'టోపీ' రాజకీయాలెంత పటాటో పంగా నడుస్తున్నాయో!
'అమ్మ' ఏడుపు' సెంటిమెంటు పనిచెయ్యలేదు. ఇక లాభం లేదని యువరాజు కిరీటం ఇంట్లో దాచేశాడు. విరాటపర్వంలో, ఉత్తర కుమారుడి మాదిరిగా నవ్వూ కోపం కలగలిసిన కొత్త మొహంతో, కొత్త ఆమాద్మీ రకం టోపీతో జనంలోకి రాబోతున్నాడు. సహచట్టం, ఆధార్కార్డు, విద్యాహక్కు ఆహార భద్రత టోపీలు: నప్పలేదని, వంటగ్యాసు బండలు అవినీతి నిరోధక
చట్టాలు అంటూ కొత్తరకం టోపీలు బుట్టలో పెట్టు కుని ఓట్లకోసం బయలు దేరుతున్నాడు. బట్టతలకు దువ్వెనలు అమ్మేవాడికి పోటీగా బట్టతలకు టోపీ పెట్టడా నికి వస్తున్నాడు.
కనిపించే టోపీలు ఏవి పెట్టుకున్నా పరవాలేదు. కని పించని టోపీలతోనే సామాన్యుడు భద్రంగా ఉండాలి. ఎన్నికలు దూసుకొస్తున్నాయి. 'టోపీ'లొస్తున్నాయి.
కర్లపాలెం హనుమంతరావు
