Sunday, September 18, 2016

కొన్ని ఆలోచనా శకలాలు


కర్లపాలెం హనుమంత రావు॥కొన్ని ఆలోచనా శకలాలు॥
1
ఈ చినుకు
ఏ సముద్ర
ఆనందబాష్పమో!
2
ఎవరన్నారు
కాలం గుప్పిట్లో చిక్కదని?
నాన్న ఫొటో!
3
కుట్టకుండా వదిలేసింది
గండు చీమ
ఎంత విశాల హృదయమో!
4
కంటికీ చేతులుంటే
ఎంత బాగుణ్ణో
కదా ఊహాప్రేయసీ!
5
ఎక్కినా
దిగినా
అవే మెట్లు
6
నలుపు తెలుపుల్లో
ఎన్ని రంగులో
పాత మిత్రుల గ్రూప్ ఫోటో!
7
మాయాలోక విహారం
పుస్తకం
కీలుగుర్రం
8
కోయిల కూస్తోంది
మావి చిగురు
మిగిలుందని!
9
మింటి మీదా
వంటి మీదా అర్థచంద్రులు
రాత్రి సార్థకం
10
తట్టి
తడిపింది
హైకూ
11
ఫొటోలోని బాబుకి తెలుసా
తనలాంటితనే తనను చూస్తాడని
నా పాతఫోటొ మాబాబు చేతుల్లో!

No comments:

Post a Comment

కథ విలువ - చెంగల్వ - సేకరణ

  కథ  విలువ  - చెంగల్వ  నమస్కారమండి!" అన్న గొంతు విని తలెత్తి చూసాను. "ఓఁ. మీరా! రండి" అంటు ఎదురు వెళ్లి సాదరంగా ఆహ్వానించాను...