ఒక్క పెట్టున వచ్చి పడితివే .. దిక్కు తోచడం లేదిక్కడ మాకు !
రెండు చేతులు ఎత్తి మొక్కుతున్నా మా తిక్కమానవజాతిని
మూడో కన్ను తెరిచి మాడ్చి మసి చేస్తున్నావిదేమి న్యాయం కరోనా!
నాలుగు రాళ్లు గడించినంతనే కరోనా
పంచభూతాల కధినాథుల మనుకుంటామనా శిక్ష ?
ఆరు ఖండాల నిండా ఆరున్నొక్క రాగాలే యీ రోజున
సప్తసముద్రాలూ నీకేమాత్రం అడ్డంకులు కాకపోయె
అష్టదిగ్బంధనా లెందుకిలా ? తగునా కసి కరోనా మా అర్భకజాతి పైన ?
నవరసాల మహాకావ్యం మాది, మే మరులయని వీర్రవీగుతాం; అందుకనా
పది పదులైనా నిండక ముందే కోవిడ్ -పంథొమ్మిదిలా దుర్బలుల మీదిలా దుందుడుకుతనం?
సున్నాలం కరోనా ! ఒప్పుకుంటున్నాం, మా సన్నాసి తప్పులు మాఫ్ కరోనా!
కరుణించు! కలియుగాంతం దాకా నీ వైరస్ ఘరానాలనే కథలు కథలుగా తలుచుకుంటాం.. హఠోనా !
- కర్లపాలెం హనుమంతరావు
14 - 04 - 2020
No comments:
Post a Comment