Showing posts with label Humor. Show all posts
Showing posts with label Humor. Show all posts

Tuesday, February 8, 2022

ఆంధ్రప్రభ- హాస్యం - వ్యంగ్యం - గల్పిక గ్రంథ చోరులు రచన - కర్లపాలెం హనుమంతరావు ( ప్రచురితం - 02 -12 - 2017 )


 ఆంధ్రప్రభ- హాస్యం - వ్యంగ్యం - గల్పిక

గ్రంథ చోరులు 

రచన - కర్లపాలెం హనుమంతరావు 

( ప్రచురితం - 02 -12 - 2017 ) 

 

 

ఆన్ లైనులో కెళ్లి కెలుక్కుంటే చాలుకాపీ రైట్ చట్టం పట్టింపు లేకుంటే కామ్గా కాపీపేస్టు చేసుకొని కర్త పేరు మార్చేసుకోడం మహా సులువు.  ఆకాశమంత జ్ఞానానికి ఆవిష్కర్తలం అనిపించు కోవచ్చు .. ఇవాల్టి డిజిటల్యుగంలో కోక్ తాగినంత సేపట్లోకేవలం అచ్చు బుక్కులు మాత్రమేలభ్యమయే దిక్కుమాలిన కాలంలో గ్రంథ చోరుల కష్టాలు అన్నీ ఇన్నీ కావు.. పాపం!

 

వనితవిత్తనాదుల తస్కరణలక్కూడా సులువు  సూత్రాలు చెప్పే శాస్త్రాలున్నకాలంలో పుస్తకాలు కొట్టేసే చిట్కాలకు  గైడ్లు మచ్చుక్కి ఒక్కటైనా  దొరక్కపోవడం గ్రంథచోరులకు పూడ్చలేని  లోటేఅరవై నాలుగు కళల్లోచౌర్యమూ ఒక విభాగమేఅయినా..  శాఖ అభివృద్ధి ఎందుకుపుంజుకోలేదోచిత్రమే కదా?

 

పుస్తక చౌర్యం   మరీ అంత అకార్యమైన కళేం కాదుయమధర్మరాజులుగారుగ్రంథదౌర్యం మీద   ఉద్గ్రంథమే  రాసారని వినికిడి.   దొంగ వెధవగుట్టు చప్పుడుగా నొక్కసాడో గాని .. ఇప్పుడా తాళపత్రాలు గ్రంధాలయంలోనూ కనపడ్డంలేదు!

 

పుస్తక చౌర్యానికి  బోలెడంత గ్రంథముందిఆశించిన పుస్తకంఅందుబాటుకు  రావాలికోరుకున్న విషయం అందులో కళ్లబడాలిఇప్పట్లా   సెల్ ఫోనో అరచేతిలో ఉండుంటే ఠప్పమని  క్లిక్కుతో అంశం మొత్తంమన సొంతమవుతుందిజిరాక్సులకే దిక్కులేని కాలంలో ముత్తెమంతసమాచారం సేకరించాలన్నా పుస్తకం మొత్తం ఎత్తేయడం  ఒక్కటే ఉత్తమమార్గంగా ఉండేది.

 

అరువు అడిగి పుచ్చేసుకుని మళ్లీ తిరిగి ఇవ్వకుండా తప్పించుకు తిరిగేమరో దారి ఉన్నా.. కొంతమంది పుస్తకదాతల  శక్తి మరీ దారుణంగాఉంటుందిఏనుగు మెమరీ కూడా వాళ్ల ధారణా శక్తి ముందు చీమ తలంతఏళ్లు పూళ్లు గడిచి.. ఎన్ని

యోజనాల దూరంలో స్థిరపడ్డా  ప్రయోజనం శూన్యంఆనవాళ్లవీ లేకుండాఎన్ని ముందస్తు జాగ్రత్తలు తీసుకున్నా ప్రారబ్దం బాగోలేకుంటే ఫలితంసున్నా.  నిశ్శబ్దంగా వెనక పాటుగా  వచ్చి ' ఏవండాయ్ మూర్తిగారూ ... ఎట్లా ఉన్నారూ '  అంటూ వీపు మీద  ధబ్బుమని  విమానం మోతమోగించేయచ్చుఆనక ముసి ముసి నవ్వుల్తో నిలదీయడంతో దోష విచారణకథ మొదలవక తప్పదు కోర్టు.. బోను... సీనొక్కటే తక్కువతలపండినవకీలుగారు  కీలుకు  కీలు విరిచేసినట్లు సాగే  పుస్తకదాత విచారణనుఎదుర్కోవడం ఎంత అబద్ధాలకోర్సు డాక్టరేటుకైనా తలకు మించిన పని. 'ఫలానా సంతొమ్మిదొం దల అరవై తొమ్మిది మార్చి మూడో తారీఖు మిట్టమధ్యాహ్నం పూట ఎండన పడి తమరు మా ఇంటి కొచ్చారు మర్చారూ!ఏదోమిత్రులు కదా అని ఆతిథ్య ధర్మ నిర్వహణార్ధం కాశీ చెంచెడు  మజ్జిగ నీళ్ళునిమ్మరసం పిండి మరీ తమరికి సమర్పించుకున్న సంగతీ మర్చే ఉంటారు అప్పుడు తమరేం ఉద్ధరించారో తమరికి  గుర్తుండదు గనక గ్రంథ దాతగాఇప్పుడు గుర్తుచేయడం నా ధర్మం.    ఎండ చల్లబడిందాకా బైటికివెళ్లలేనంటే 'పోనీలే... టైమ్ కిల్లింగుగా  ఉంటుందని నా సొంతగ్రంథాలయం నుంచి ఎప్పట్నుంచో సేకరించి దాచుకున్న చలం 'ఊర్వశిఅరుణాచలంలో

చలంలో ఆయన స్వహస్తాలతో అట్టమీద పొట్టి సంతకం గిలికిచ్చినఅపురూపమైన పుస్తకం తమరికి ధారాదత్తం చేసానుబుద్ధిజ్ఞానంఅప్పటికింకా పూర్తిగా వికసించలేదులేండి  నాకుఅపుకోలేని కాలకృత్యం  పని మీద నేనటు లోపలికి వెళ్లి తిరిగొచ్చిన ఐదు నిమిషాలలోపే తమరుజంపుఖరీదైన వస్తువులింకేమైనా చంకనేను కొని ఉడాయించా రేమోననిఅప్పుడు మా రమారాణి  గుండెలు బాదుకొన్న చప్పుళ్లు ఇంకా  నా చెవుల్లోప్రతిధ్వనిస్తూనే ఉన్నాయి సుమా మా ఆవిడ శోకన్నాలు నాకు నిత్య కర్ణశ్రవణానందాలే కనక దానికి అట్టే ఫీలవలేదు కానీ నా 'ఊర్వశిని తమరు  గుట్టు చప్పుడు కాకుండా   చంకనేసుకొనలా చెక్కేయడమే చచ్చేబాధేసిందండీ మాస్టారూ !   నిజమైన స్నేహం కన్నా పుస్తకమే విలువైందనితమరానాడు ప్రాక్టికల్గా నా కళ్లు తెరిపించారు  చూఉండేఅందుకు థేంక్స్

చెప్పుకుందామనుకొన్నాఏదీ తమరి అడ్రసురామాయణంలో సీతమ్మవారి  దర్శనం కోసం  శ్రీ రామచంద్ర మూర్తయినా  అంతలా ఆర్తి చూపించాడోలేదో ! నా ఊర్వశి కోసంతమరి వేరెబౌట్సు  కోసం నేను చెయ్యని ప్రయత్నంలేదుఇప్పటికైనా కనిపించారు అదేపది వేలు ఎన్ని వేలు కావాలోఅడగండి .. ఇచ్చేస్తాకానీ.. మళ్లీ నా ఊర్వశిని మాత్రం నాకు తిరిగిఇచ్చేయండి తమరింటికెళదాం రండి! '  అంటూ జబ్బు పట్టుకొని నడిరోడ్డుమీదే నిలబెట్టి దెబ్బలాటకు దిగే దిక్కుమాలిన  పుస్తకాల పురుగులుఇప్పటికీ తారసపడుతూనే ఉంటారుఅందుకే తస్కరించే ముందు పుస్తకంవివరాలతోనే కాదు.. పుస్తక నైజంతోనూ    అప్రమత్తంగా ఉండడం  అవసరం.

 

అవును మరి.. ఒక గ్రంథం తయారీకి అది రాసేవాడి శరీర కష్టంవిఘ్నేశ్వరుడి బాధను మించి ఉంటుంది! 'భగ్నపృష్ట కటిగ్రీవ  స్తబ్ధ  దృష్టిం అథో   ముఖః కష్టేన లిఖితః గ్రంథంయత్నేన పరిపాలయేత్ '  అనిఊరికే అనరు కదా ఎవరైనావెన్ను వంకరవుతుంది ; మెడ కొంగలాసాగిపోతుందికళ్లు పొడుచుకుని తల కిందకు వేలాడేసుకుని నానా తంటాపడతారండీ  పుస్తకం గిలకటానికీఅష్టాదశ పర్వాల మహాభారతాన్ని వ్యాసులవారలా   వ్యాసంలాగడగడా చెపుకు   పోవచ్చుఅది వట్టి  నోటిపనికానీ.. చెప్పింది చెప్పినట్లు క్షణమైనా గంటం ఆపకుండాచెవులతోవింటూ బుద్ధితో ఆలోచిస్తూ చేత్తో బరాబరాతూచా తప్పకుండా  రాసుకుపోవడం మీ వల్లవుతుందా .. నా వల్లవుతుందా  ?! దేవుళ్లు కాబట్టిఏమాయో మర్మమో చేసి కార్యం 'ఇతి సమాప్తంఅనిపించి ఉండవచ్చుమానవ మాత్రులం మన  కెట్లా సాధ్యం అందునా పిట్ట ఈకలతో ఎండుతాటాకుల మీద గుండ్రటి అక్షరం ఆకారం చెడకుండా రంధ్రాలు పొడవడంఎంతా కష్టం ! 

 అంత కష్టం కాబట్టే పుస్తకాలను బంగారం కన్నా ఎక్కువ భద్రంగాదాచుకోవా లని  పెద్దలు సుద్దులు చెప్పింది కష్టమూ లేకపోతే   వేదాలునీళ్లలోకి చేజారినప్పుడు విధాత  విధంగా బేజారవుతాడు గ్రంథాలువిలువ తెలుసు కాబట్టీ  కవిత్వం  కట్టలు కంటబడగానే లటుక్కుమని నోటకరుచుకొన పారిపోయాడు సోమకాసురుడు ! " పోతేపోయాయి లేవయ్యామళ్లీ రాయించుకో.. పోఅని కసురుకొని వదిలేయలేదు కదా  పరమాత్యుడుపనిమాలా మత్స్యా వతార  మెత్తి మరీ మొరాటు  రాక్షసుడితో ప్రాణాలకు తెగించి పోరాడాడుతిరిగి తెచ్చి బ్రహ్మకిచ్చి 'ఇహముందైనా జాగ్రత్తగా ఉండమని మందలించాడంటానే తెలియడం లేదాపుస్తకాల విలువవిలువైన సామాను  ఎక్కడుంటాయో దొంగతనాలూఅక్కడ తప్పకుండా జరుగుతుంటాయిగ్రంథాలయాల దగ్గర అందుకే పగటిదొంగలు తారట్లాడేది.  పుస్తకం చూస్తున్నట్లే చూసి కటిక్కున పుటను చించి  జేబులో కుక్కేసుకునే  కుక్క పాట్లు పడ్డం   పుస్తకాల తస్కరణం   గతంనుంచే  చాలా మంది  సాధన చేస్తుండే  వాళ్లు వెసులుబాటుంటే అసలుప్రతిని ప్రతినే  లేపేసేందుకు అన్ని విధాలా ప్రయత్నించే గజదొంగలుఉండబట్టే తంజావూరు సరస్వతీ గ్రంథాలయంలో మన తెలుగు తాళపత్రగ్రంథాలు చాలా వాటికి కాళ్లొచ్చినట్లు  మధ్య  తమిళనాడుసాయంకాలం దినపత్రిక వివరాలతో సహా ప్రచురించిందండీ

 

 డిజిటల్ కాలమే కాదు.. పది  డిజిట్స్  జీతమొచ్చే  గొప్ప కొలువున్నా  మనిషి తనలోని  తస్కరణ  తీపరం ఆపుకోకపోవడం ఆశ్చర్యంఅనిపిస్తుంది  గొడవంతా ఇప్పుడెందు క్కానీ.. ముందు నా చలం ఊర్మిళపుస్తకం తేల్చండినడవండి తమరింటికి ' అని వెంటబడి తరిమే గ్రంథదాతలూ ఉంటారుఅందుకే తస్మాత్ ఓాగ్రత్త పుస్తకాల చోరులూ ! 

 

రచన - కర్లపాలెం హనుమంతరావు 

( ప్రచురితం - 02 -12 - 2017

 

మతాల స్వరూపాలు కొడవటిగంటి రోహిణీప్రసాద్, 08-09-2010

  మతాల   స్వరూపాలు కొడవటిగంటి   రోహిణీప్రసాద్ ,  08-09-2010  మతభావనలు ,  మనిషికీ   నరవానరానికి   తేడాలు   తలెత్తినప్పటినుంచీ   మొదలైనవిగానే ...