కాలం- కవిత

కాలం

ఎన్ని ఎక్స్  గాలాల ఎరో!

లైఫ్ మానిటర్ మీద

లైవ్ పిక్చర్సన్నీ

మన ఫింగర్ టిప్ కమాండ్స్ కే

కదులుతాయని ఇల్యూజన్

ప్రీప్రోగ్రామ్డ్ జీవితంలో

‘హెచ్ టి టి పీ 404 నాట్ ఫౌండ్’ ఎర్రర్!

సర్వర్లు డౌనైతే

సర్వమూ డౌనయే డింగరీలం

సృష్టి మొత్తంలో

సర్వోత్కృష్టమైన  స్పీసీసుమని

చంకలు బాదుకోటమెందుకో!

మేకతోకకుమేకా?

తోకమేకకుమేకా?

క్యా..క్యా..

క్వాంటమ్ థీరీనా

క్షీరనీరపు రాయంచా

ఏది తీర్చేదీ

కార్యకారణ శంక?

సైకోట్రానిక్స్ స్టాటి స్టిక్స్

ప్యరామీటర్స్ మాస్ ఫ్యాక్టర్స్

ఎట్సెట్రా ఎట్సెట్రా

కాలం పరమాత్మముందు

సర్వం సాష్టాంగప్రణామములాచరించు

రుషికోటి సముదాయములు మాత్రమేనా!

ఎనిమిదంకెను పడదోసి

ఇన్ ఫినిటీ అనుకోమంటం

వాల్యూ తెలీకుండా దాచేసి

ఆన్సర్ ఆప్షన్సులో

వెతుక్కోమంటం!

ఏ ఇన్విజిబుల్ మెజీషియన్ చేసే

లెక్కల ట్రిక్కో ఈ జీవితం!

బిల్లియన్ల ఫార్ములాలప్లై చేసినా

ఎవరూ  నాటౌట్ గా  మిగిలటం లేదిక్కడ!

వాటెబౌట్  మరి

ఎంపిరికల్ ఎటర్నీటీ?!

వట్టి తాపత్రయం మాత్రమేనా

సెంటెడ్ బాడీ లోపల్దంతా

మలమూత్రశ్వాదాదులేనా?

వాడూ..అదీ

మిన్నూ..  మట్టీ

అంతా

నిమిత్తమాత్రులమేనా?

విధి, దైవం,

నసీబ్, కిస్మత్,

ఫేట్, డెస్టిట్యూట్

వుయారాల్ లైక్ డైసెస్

త్రోన్ ఇన్ ది గేమాఫ్

వర్చ్యూస్ & వైసెస్?

గుడ్  హోపు

కూరలో పోపు

గ్యారీబాల్డు

గారెముక్క హోలు

‘హాయ్ బాయ్’ లు

‘హలో’ బోలోలు

అసతోమా సద్గమయా

ఆ సమయం వస్తే

అయ్యో.. అంతా

‘యా మా సా మాయా’  యేనా?

బిగ్ బ్యాంగ్  చిద్రం

పికాసో గిలికిన  చిత్రం

అయ్యో..ఇదా జీవితం!

అంతర్ వ్య క్తికి

అంతరాంతర శక్తికి

అనునిత్యం జరిగే

అంతులేని పోరాటం

మనిషికోర్సుకి ఔటాఫ్ సిలబస్సా?

‘ది ఎలెవన్ కాజస్

ఫర్ ది డీజెనరేషన్ ఆఫ్

డివినిటీ’ని గూర్చి

లెక్చర్లు దంచే లార్డ్లూ గాడ్లూ

మరి గప్పా గిరీశాల గురువుల తంతేనా!

మనకు మనమే ప్రశ్నలం

ఎదుటి శాల్తీకెప్పుడూ ఎక్స్లమేషన్లం

ఫుల్ స్టాపా.. కామానా

ఏది ఎక్కడ పెట్టాలో

ఎప్పటికీ తేలని

కర్తెవరో తెలియని

క్రియాకర్మపదాల సముదాయాలమా?

ప్రశ్నాశ్చ్రర్యార్థకాల మధ్య

నిత్యం నలిగే అర్థానుస్వరాల

అంతరార్థాల అంతర్మథన

సాగరాలం మాత్రమేనా మనం?

కర్లపాలెం హనుమంతరావు

(సమయం:2, మార్చి, 2013 -రాత్రి-రెండగంటలు