Thursday, May 17, 2018

కవిత్వంలో నేను






కవిత్వం ఒక తపస్సు అయితే
నేను
తాపసిని కాలేకపోవచ్చు కానీ
ఫల పుష్ప పత్రాలు కాసినైనా
తల్లిపూజకు భక్తితో అందించుకోగలను
కవిత్వం ఒక సంగీత సాగరమైతే
నేను
అల కాలేకపోవచ్చు కానీ
ఉవ్వెత్తున ఎగసి పడే తరంగానికి
పక్కమృదంగ తోడిరాగమందిచుకోగలను
కవిత్వం ఒక యుధ్దమైతే
నేను
యోధుణ్ణి కాలేకపోవచ్చు కానీ
దుష్టశక్తిని తురిమే
యోధ ముష్టిఘాతంలో
జీవశక్తిని ఖచ్చితంగా జోడించుకోగలను
కానీ..
కవిత్వం ఒక రాజీపత్రమైతే 
ఆ లాలుచీ ప్రకటన మీద
శిరస్సు వంచుకు సాగిలపడే
సంతకం కింది చుక్క మాత్రంగా 
చచ్చినా బతకబోను!
-కర్లపాలెం  హనుమంతరావు 
19 -05 -2018







No comments:

Post a Comment

మతాల స్వరూపాలు కొడవటిగంటి రోహిణీప్రసాద్, 08-09-2010

  మతాల   స్వరూపాలు కొడవటిగంటి   రోహిణీప్రసాద్ ,  08-09-2010  మతభావనలు ,  మనిషికీ   నరవానరానికి   తేడాలు   తలెత్తినప్పటినుంచీ   మొదలైనవిగానే ...