Thursday, October 8, 2015

కొన్ని 'చిత్రా'లు- కవితలు



1
 అమ్మ కాబూలీ!
 అప్పు వసూలుకు
 బిడ్డై తిష్టేసింది గుండె నట్టింట్లో!

2
 శిశిరం బోసిచేసిపోతేనేమి
 వసంతం వచ్చి పచ్చిసంతకం చేస్తుంది
 చెట్టంత ఆశతో.. నువ్వుండాలిగానీ!

3
 వేర్లు పాతాళంలోకి
 కొమ్మలు ఆకాశంలోకి
 పువ్వులు  హృదయంలోకి!

4
 రైలు ఊయలుకు
 ప్రయాణీకులంతా
 బుజ్జి పాపాయిలే!

5
 రాయీ వెన్నముద్దే
 విత్తు
 కత్తయితే!

6
 తెడ్డు.. తెరచాప.. లంగరు
 పడవకైనా.. బతుక్కైనా
 మూడు ముక్కల్లోనే కతంతా!

7
 దాయని
 దుఃఖదాయని
 -ప్రేమవాహిని!

8
 ఘటన క్షణికం
 స్మరణ పురాణం
 మనసు వ్యాసపీఠం

9
 కన్నీరు ఉప్పన!
 హృదయం
 సముద్రం కదా!

10
 పూలకోసం  పాపాయి- కింద
 పాపాయికోసం పూలు- పైన
 గాలివంతెన వంతే ఇంక మిగిలింది!
-కర్లపాలెం హనుమంతరావు


No comments:

Post a Comment

మతాల స్వరూపాలు కొడవటిగంటి రోహిణీప్రసాద్, 08-09-2010

  మతాల   స్వరూపాలు కొడవటిగంటి   రోహిణీప్రసాద్ ,  08-09-2010  మతభావనలు ,  మనిషికీ   నరవానరానికి   తేడాలు   తలెత్తినప్పటినుంచీ   మొదలైనవిగానే ...