కొన్ని చిట్టి కవితలు- 2

1

పువ్వుతో పాటు

పొద్దూ తిరుగుతోంది

బిడ్డచుట్టూ తల్లిలా!

2

నాన్న రాయని

వీలునామా

అమ్మ

3
కొన్ని దృశ్యాలు అలుక్కుపొతాయి

కొన్ని దృశ్యాలు అడుక్కుపోతాయి

కొన్ని దృశ్యాలు అతుక్కుపోతాయి

మనసొక వరం- మానస సరోవరం

4

సముద్రం

కన్నీటిముందు

పిల్లకాల్వ!

5

రూపాయి

వట్టి నోటు

పాపాయి

ప్రేమప్రాంసరీ నోటు

                      
                              

6

వేదానికైనా వేదనే మూలం

రామాయణమే 

అందుకు ప్రమాణం

7

గింజ

గాదెలో ధాన్యం

భూమిలో జీవం

                                   8

స్వర్గం టూ నరకం

వయా భూలోకం బస్

-ఫుల్!

9

రెడ్డొచ్చె

మొదలాడు!

జీవితం                         

                                                10       

రాత్రి ఎప్పుడు పెట్టిందో

మందారమయింది 

నాన్న ముఖారవింధం

'అమ్మ ప్రేమ' 

గోరింటాకు మహిమ!

                                  11

సందులు ఇరుకైనా

ఇళ్ళు విశాలం అప్ప్టట్లో

ఇళ్ళు విశాలమేకానీ

గుండెలిప్పుడు గుప్పెట్లో!

-కర్లపాలెం హనుమంతరావు