ఏడుపుగొట్టు కవితలు ఏడు

1

పాండవులు కనిపించరు

పాత 'మాయాబజారు'

కౌరవులూ కనిపించరు

కొత్త మాయ 'బజారు'

తస్మాత్ జాగ్రత్త!

2

నరికితే చచ్చేందుకు

చెట్టు

మనిషి కాదు

-చివురు

3

ఆలూమగలు

పాలు- నీరు

ఎవరి పాలు ఎంతో

తేలకే

పోరు

4

తెలుగుగంగ సరే

తెలుగూ

గంగలో

కలుస్తున్నదే!

5

అగ్నిసాక్షిగా అయింది పెళ్ళి

అగ్గే బుగ్గిచేసింది మళ్ళీ

అగ్గీ! నువ్వు అత్తారికి

అంత దగ్గరి చుట్టమా!

6

అశోకవనంలో అందరి మధ్యున్నా

సీతమ్మకు అగ్నిశిక్ష!

అంతఃపురాన ఒంటరిగా పడుకున్నా

రామయ్యకు లేదే పరీక్ష!

ఏం కలికాలంరా బాబూ!

త్రేతాయుగం!

7

మన చట్టసభల మెడలో

వేలాడదీయాలనుంది

'ఐ నెవ్వర్ స్పీక్ ఇంగిలిపింగిలీస్'

 పలక!

-కర్లపాలెం హనుమతరావు