ఈనాడు - హాస్యం - వ్యంగ్యం - గల్పిక
భళారే.. చిత్రం !
రచన- కర్లపాలెం హనుమంతరావు
( ఈనాడు - ప్రచురితం - 24 -03- 2004 )
"రాజకోట రహస్యం తారలందరికి తెలిసి పోయినట్లుంది. ఈసారి ఎన్నికల సీజనంతా సినీజనాలతో తెరవెలిగిపోతుంది. 'వార్ తో మొదలైన సీన్లు స్టార్స్ తో సా తున్నాయి... స్టారా.... వారా'' అన్నది కైమాక్సులో ఓటరు మహానుభావుడు తేర్చాల్సిన మేటరు.
' పాలిటిక్సులో ఈ సినిమా ట్రిక్కేంటీ ? పాలల్లో నీళ్లు పోసినట్లు పల్ననైపోతున్నాయి రోజురోజుకూ ఈ పాడు రాజకీయాలు ' అంటూ నుదురు బాదుకోబోయిన తాతబ్బాయి చేతినలాగే గట్టిగా పట్టేసుకుని వచ్చేడు.
' తల అంతలా గట్టిగా కొట్టుకోవద్దంటే లిన్నావా? అందులోనూ నువ్వొట్టి మనిషివి కూడా కాదు' అని అప్పల రాజు అనేసరికి బిత్తరపోవటం నావంతయింది.
'మరేంలేదులే.... మనోడి దగ్గర ఓ ఓటుంది కదా... అందుకని అలగనేసాను' అని సర్దుకున్నాడు అప్పలరాజు.
' చూస్తూ చూస్తూ నేనీ సినిమాలవాళ్లకి ఓటేయలేనురా' అని మూతి బిగించుక్కూ ర్చున్న తాతబ్బాయినొక్క తాపుతున్నాలని పించిందట గానీ... ఎన్నికల సీజను కదా... ఎందుకులే మళ్ళీ...' అని తమా యించుకొని తన వాణినిలా వినిపిం చాడు అప్పులరాజు.
'తాతబ్బాయ్' నీవన్నీ తాతలకాలం నాటి భావాలురా... ! సినిమాల్లో రాజకీయాలున్నప్పుడు, రాజకీయాల్లో సినిమా లుంటే తప్పేంటంట! ఆ మాటకొస్తే సినిమాలకీ, పోలిటిక్బుకీ బోలెడన్ని సిమిలీసూ, పోలికలూ ఉన్నాయి. తెలుసా? ఎటునుంచీ ఎటు చూసినా ఒకటే లాగని పించే సూపర్ ' న- ట- న ' ఇద్దరిపొత్తూ. అవునా... కాదా? టిక్కెట్లూ... ప్రెస్ మీట్లూ .. సీట్లు, ప్రచారాలూ, ప్లాన్లూ , 'షూటింగ్ ' లూ .. రెండుచోట్లా ఉంటాయి. రాజకీ యాల్లో రిలీజుకు ముందు రోడ్ షో లుంటే.. సినిమాల్లో రిలీజు తరువాత రథయాత్రల్లాంటివి ఉండటం రివాజు. బూతు లిద్దరికీ కావాలి. పార్టీ మేనిఫెస్టోనే సినిమాకి స్టోరీ లాంటిది. ఏ స్టోనైతేనేంలే పళ్లు రాలటానికంటావా...! ప్రివ్యూలు, రివ్యూలూ, ఎగ్జిట్ పోల్సూ , ఎల క్షన్ రిజల్టులాంటివే స్వామీ పోలికలు! బేలెట్ అండ్ బాక్సాఫీస్ '.. చూశావా . 'బాక్సు లిద్దరికీ కామనే! ఇన్కమ్ టాక్సు గొడవలూ డిటోనే!
ఓ రకంగా ఈ ఎం.పీలు, ఎమ్మెల్యేల కు మించి సినిమావాళ్లే లైట్ గా మేలన్నా! ... జూబ్లీ ప్లాటంటే ఫ్లాటయిపోతారు' అన్నా.
మధ్యలో కల్పించుకొని ' అవునవును . తెరవేల్పులు అల్పసంతోషులు . రాజకీయాల మీద రోత ఉన్న నీలాంటి పీతలు కూడా సినిమా మోజుతో సభలకెలావస్తున్నారో చూస్తే రాముడికన్నా సినిమా దేవుడిని నమ్ము కుంటే ఒడ్డునపడతామని హేమాహేమీలూ సినీతారల వెంటబడుతున్నారు. తటస్తుల్ని కూడా తటాలున తట్టాబుట్టా పట్టుకురమ్మని పిలుస్తున్నారు. బిగ్ లాంటి వాళ్లే ఎందుకో తటాపటాయిస్తు న్నారు గానీ .. మెజార్టీ ఈపాటికే ఆ బాటపట్టేసారు. '
' సినీజనాలకు జనాలెంత నీరాజనాలు పడతారో చివరి సీనుదాకా తేలదులేగానీ... లాంగ్ షాట్లో నువ్వు చెప్పినట్లు అంతా ఒహటే లాగున్నా.. క్లోజప్పుల్లో కొన్ని తేడాలు కూడా కొట్టాచ్చినట్లు కనిపిస్తుస్తున్నాయ్ .. అన్నాయ్ ! నువ్వే చూడు!' అన్నాడు తాతబ్బాయి.
' సినిమాలో విలనెవరో హీరో ఎవరో క్లియర్ గా తెల్సిపోతుంది. పాలిటిక్సులో ఒక్కో కోణంలో కుంభకోణాలు కూడా గొప్ప సంస్కరణల్లా మనసును గుంజేస్తాయ్ . ఖర్మ! సినిమా ఐపీలందరూ పోలిటిక్సులో వి.ఐ.పీలుగా చెలామణి అయిపోవాలని చూస్తారు. నువ్వెన్నైనా చెప్పరా.... అప్పల్రాజా! నేనెప్పటికీ సినిమాలకు నెగెటివ్వే ! '
' సినిమాలకీ పోలిటిక్సుకి ఉన్న లంకె ఈనాటిది కాదురా అబ్బాయ్! రోనాల్డ్ రీగన్ రోజుల్నాటిది. నిన్నటికి నిన్న స్క్వాన్నెట్టరా .. పాడా ... అదేదో పేరు. నోరు తిరిగి చావటంలే గానీ... ఆయన అమాంతం గవర్నరయి కూర్చున్నాడా లేదా! తమిళ రాజకీయాలు చూడు। సినిమాల మిళాయింపు . అన్నాదురై కాలం నుంచి ఆలా నిరాటంకంగా సాగుతునే ఉన్నాయా .. లేదా? అదే బాటలో ఇప్పుడు మన బాలీవుడ్, టాలీవుడ్ నడుస్తుంది . తప్పేంటంటా! '
' అద్వానీలాంటాయాన్నైనా రాజేష్ ఖన్నా ఓడించేడొకప్పుడు. ఈసారి వాజపేయి మీద మరెవరో నిలబడి గెe చినా నోరెళ్ల బెట్టద్దు . సినిమా గ్లామర్ ముందు నీ పొలిటికల్ గ్రామర్ బలాదూర్రా బాబూ!'
' పార్టీ టిక్కెట్టుకు షార్ట్ కట్టు సినిమా రూటే నంటావా?... రూట్స్ నుంచి పనిచేసే కార్యకర్తది వట్టి ' లాంగ్ 'మార్చేనంటావా .. ఖర్మ! మాయాబజారు సినిమాలో కథ పాండవుల్దే ; అయినా తెరమీదెక్కడా వాళ్ల రోళ్లు కనిపించవు! ... ఎన్నికలూ సినిమాలే.. ఓటరు రోలు కూడా అంతే.. అంటానంటావ్ ! '
' అవును బ్రో ... ఎన్నికల్లో ఓటర్రోలు సన్నెకల్లే ! '
'కల్లా? అంటే'
' కల్లు కాదసే! సన్నెకల్లు . అంటే పిండి రుబ్బుకునే రోలు. . మీద రాయిలే!
' రైము కోసమే అలా అన్నా... పదం భలే కుదిరిందిరా అప్పల్రాజా! రోలూ రాయితో రాజకీయాల్నీ, సినిమాల్నీ కలిపి తెగరుబ్బేస్తున్నారీ మధ్య నీలాంటో ళ్లంతా కలగల్సి. సినేమా విషయంలో పొరపాటయితే మూడుగంటల్లో మన్లాంటి ప్రేక్షకుడి బాధకు ' ది ఎండ్ ' . అదే ఎన్నికల్లో పొరపాటయితే మాత్రం అయిదేళ్ల దాకా శుభం కార్డు పడే ఛాన్సే లేదురా బాబూ'' అని తలపట్టుక్కూర్చున్నాడు తాతబ్బాయి.
తారలకు పార్టీ బలం కావాలి. పార్టీ లకు తారాబలం కావాలి ఏ నియోజక వర్గం ఏ తారకు స్వర్గం అవుతుందో... ఏ కంచుకోట ఏ లీడరుకు ముంచుకోట అవుతుందో ఎవరికి తెలుసు? ... మొత్తానికి ఈసారి అందరూ సినీవాలీ లైపోయారు. అంటే సినిమాల మీద వాలిపోయినవాళ్లని అర్ధంలే ! నువు మాత్రం పెద్దమనసు చేసుకుని మన పెద్దమనుషులుండే పార్టీకే ఓటు మీట నొక్కాలి సుమా! ఎన్ని మంత్రాంగాలేసినా ఈ ఎలక్ట్రానిక్ యంత్రం మొరాయిస్తే మొదటికే మోసం! దాని రాజ కోట రహస్యం ఛేదించడం నాయకుల వల్లే కాలేదు - సినీ కథానాయకుల వల్లా కాదు గానీ ఆట్టే మనసుకోకు!
రచన - కర్లపాలెం హనుమంతరావు
( ఈనాడు - ప్రచురితం - 24-03-2004 )
No comments:
Post a Comment