సూర్య - గల్పిక- హాస్యం- వ్యంగ్యం
చిల్లర గోడు
-కర్లపాలెం హనుమంతరావు
( సూర్య - కాలమ్ - 14 -09-2017 - ప్రచురణ )
బ్యాంకోళ్ల కన్నా బంకోళ్ెళ్ళే బెటరబ్బీ! బిచ్చగాడిని చూస్తే చాలు. బిల్లర 'గాడ్' ను చూసినంతగా పొంగిపోతారు.
యాచకులం. మాదేవన్నా నీచకులవా? ఆ మాటకొస్తే ఈ జంబూద్వీపంలో జంపకానా పర్చుకుని అడుక్కోని జమీందారు ఒహడన్నా ఉన్నాడా? అడుగడుక్కి ఓ అడుక్కునే డబ్బాగాడే!
ఉద్యోగాలు అడుక్కుంటున్నారు. ఉపాధులు అడుక్కుంటు న్నారు. ' నిధుల మొర్రో' అంటూ ముఖ్యమంత్రులే వేడుకొంటున్నారు. సర్కారాఫీసుల్లో గిట్టుబాటు పోస్టులకు పెద్దమనుషల మాట కోసం బెగ్గింగు! జానా బెత్తుండడు. . బడి గుంటడూ జాంపంఉండి ఆడబిడ్డ వెంటబడి 'ప్రేమ భిక్ష' అడుక్కుంటాడు! కేడీలకూ క్షమాభిక్షలే! రౌడీలకూ ప్రాణభిక్షలే! ఇహ రాజకీయాల్లోళ్ల కత చెప్పాల్నా! కొత్త తప్పులకోసం ముందస్తు బెయిళ్లు అడిగేదొహడు ! రూపాయో... అర్థో ధర్మంగా అడుక్కునే అమాయకులం మేమొక్కళ్లం! మాకూ ఎన్ని అగచాట్లు? ఎండననకా , వాసనకా, చలికీ, మురిక్కీ , ముక్కీ మూలిగి, తినీ తినకా ఇంత మిగుల్చుకుంటున్నందుకా మా చిల్లర బిళ్లలమీ దింత కంటు బ్యాంకోళ్లక్కూడా! !
గొప్పోళ్లెంత ప్రమాదకరవో తెలిసి కాస్తంత కనికరించి కరచాలనం చేసేసినా చాలు.. 'హి. హి' అంటూ ఉహూ తెగ ఇచ్చకాలు పోతుంటారు బ్యాంకోళ్లు! వాళ్లు లోళ్లకు లోళ్లు కరెన్సీ నోట్లు గోతాల్లో కుక్కి తెచ్చి దొంగ లాకర్లు సంపేస్తుంటారని కాబోలు! ఆ డేరా బాబాగాడు ఎంత డేంజరు బాబులూ? ఆ బాపతు కీచక యోగులకన్నా యాచకులం.. అభాగ్యులం మేమెందులో బిలో యావరేజి వినియోగ దారుల లైన్లో ఉన్నట్లో? దారుణంగా మంది సొమ్ము దోచేసే బడా బాబులక్కూడా ఏడేదో చేసేసే బ్యాంకులోళ్లు.. ఏదో అడ్డమైన చోటా నానా గడ్డీ గాదం కలిచి కూడేసుకున్న మా 'చిల్లర’ సొమ్మును చూస్తే మాత్రం.. '...' అంటూ ఓ సైడుకు నెట్టేస్తారు! గుమ్మం గేటు దాటైనా లోనికి రానీయరు! ఇదేనా సమాన ధర్మమంటే? రిజర్వు బ్యాంకోళైనా సమాధానం దెబుతారా? ఊహూ.. నోరే విప్పరు!
అడుక్కు తినే వాళ్లమనా అంత లోకువా? మ్యాన్! లోకంలో మా కన్నా తక్కువ 'తినే' జెంటిల్మేనెక్కడున్నారో కమాన్.. చూపించండి! సాక్ష్యాత్తూ మన విత్తశాఖామాత్యులవారే స్వయంగా పెద్దపెద్దోళ్ళే బ్యాంకుల్ని నిండా ముంచేస్తున్నారు. మొండి బకాయిల్ని కొండల్లా పెంచేస్తున్నారం టోసెలవిచ్చారా లేదా మొన్నీ మధ్యనే మన హైద్రాబేడ్ మీటింగులో? వెరీ బ్యాడ్! ఇక్కడ తేరగా బ్యాంకు సొమ్ము తెగ బొక్కేసి ఎక్కడో పక్క దేశం ఏ.సీ.లాడ్జీల్లో లార్డ్ లిన్లిత్ గో లివింగ్ వారసులకులక మల్లే పక్కలు పర్చుకు బబ్బున్న బకాసురుల జాబితా ఏ J వీకీలీక్సు అసాంజే బాబో బైటకు తీస్తే తప్పు.. బ్యాంకు అప్పుల వంకతో 'చిల్లర పన'క్కక్కుర్తి పడే షికారు బ్యాచీలెక్కువో... 'చిల్లర' బిళ్లలేరుకు బతికే మా బికారుగాళ్ల మదుపులెక్కువో లెక్కలు తేలవు! పోనీ.. పనామా లెక్కలకైనా పంగనా మాలెట్టకుండా కుండబద్దలు కొట్టే గుండె దిటవేవరికైనా ఉందా అంటే.. ఊహూ... ఎక్కడి కక్కడే లోపాయికారీ పంచాయితీలు!
ఆ మాటకొస్తే బ్యాంకోళ్ళ యాపారం మాత్రం మా బిచ్చగాళ్ల యాయవార సూత్రం కన్నా గొప్పదా? గుడి మెట్లమీద మేం జోలె పర్చుక్కూర్చుంటే.. గాజద్దాల వెనకాల గా తెల్ల కాలరు బాబులు డాబుగా జోగుతుంటారు! గంతే తేడా! కాజీకి.. ఏగాజీకీ 'ఏ'జి.ఎస్.టి' టాక్సులు గట్రా గోలల్లేకుండా ఫ్రీగా 'ధర్మం' ఫ్యామ్లీ ప్యాకేజీ రూపంలో దయగా ప్రసాదించే ఉద్గారకులం మేం. ఉద్ధరంగా ఒక్క చిల్లి పైసా అయినా మదుపుకు అదనంగా విదిల్చ బుద్ధికాని ఎక్స్ట్రా బ్యాంకు సర్వీస్ టాక్సు' మోతగాళ్ల కంజూస్ ఇంగిలి పింగీస్ గేప్ బీస్ జంగాళ్ల బ్యాం కోళ్లు బాసులూ!
కోట్లు కుమ్మరించి ఆడే వన్ డే క్రికెట్టు వండరైనా ఓ 'వన్ రుపీ కాయిన్' గాల్లో ఆడితే గానీ తరువాయి తమాషాకి తెర లేవడు కదా! చిల్లర బిళ్లలన్చెప్పి ఇంకా మా సంపాదనమీదింత డెప్పులు, చిర్రుబుర్రులెందుకంట బ్యాంకోళ్లకు? చిరగవు బిల్లులు పడవు. చెవట గబ్బు కొట్టవు. చీపు రాతలుండవు. కాస్తంత బరువు ఎక్కువనే కానీ.. పరువు తక్కువ పేపర్ కరెన్సీకన్నా కాపర్ మనీనే ఎన్నందాల పోల్చినా మన్నికైనది. ఎన్ని చేతులు మారినా వన్నె తగ్గనిది. బిల్లర బిళ్లలంటే మరెందుకంట బ్యాంకోళ్లూ మీకంత వళ్లు మంట?!
కరేబియన్ దీవుల్లో ముద్దర్లేసు కొనొచ్చినా నిద్దర మత్తులో గభాల్న డిపాజిట్టు చేసేసుకొంటారు! కాస్తంత పెద్దనోటుగా కనిపిస్తే చాలు.. డద్దర్లాడిపోతూ కళ్లకట్టేసుకొని మరీ కాతాల్లో కాత్రంగా జమేసేసుకొంటారు. పక్క పాకిస్తానోడి జిరాక్సు నోటుక్కూడా 'నో' చెప్పనంత ఉదారుడు కదా మన బ్యాంకు సోదరుడు! మరి 'మేకిన్ ఇండియా' సరుకు మా చిల్లర నాణేలంటేనే ఎందుకో అంతలేసి చిర్రాకు?!
దొంగ నోట్లుంటాయేమో కాని.. దొంగ బిళ్లలుంటాయా చెప్పు సోదరా! ఇహ సత్తు బిళ్లలంటారా? కలరు జిరాక్సుకో రెండ్రూపాయిల కాయిన్ పారేసినా చాలు.. రెండువేల కొత్తనోట్లో రెండు మూడు వందలు... కట్టలు కట్టలుగా బైటికి తన్నుకుంటూ వచ్చే రోజులు చచ్చు సత్తు బిళ్లలెవరండీ బాబూ చచ్చీ చెడి తయారు చేసేదీ కరువుల్లో? రాటు దేలిన స్మగ్లర్లకే సర్క్యులేటు చేసే జబ్బ సత్తువ లేనప్పుడు ఇహ మా సత్తెకాలం సత్తెయ్యలకా ఆ ఉపరి ఓపికలేడ్చేదీ? సిల్లీ!
మాట వచ్చింది కనక మనలో మన మాట! సూటు కేసుల్లో డబ్బు దాచే కేటుగాళ్లక్కూడా చిల్లర నాణేలే సూటు, కాస్తంత చోటు ఎక్కువ కావాలి తప్పిస్తే.. ఏ కక్కసు దొడ్డి అడుగున ఎన్నేళ్లు కుక్కిపెట్టినా చెత్త నోట్ల మాదిరి చెదలు పట్టవు. అధాటున ఏ ఆదాయం పన్ను యమకింకర్తొచ్చి వాలినా కౌంటింగుకొక పట్టాన లొంగవు చిల్లర కాయిన్లు లెక్కలు తేలాల్సిందేనని మరీ అంత జగమొండికి దిగే జె.డి. లక్ష్మీనారాయణ బాపతు జీళ్ళపాకాలూ ఉంటారంటారా! ఇహ వాళ్ల ఖర్మ.. పేళ్లు కొంకర్లు పోవడం తప్ప తప్పులు ఛస్తే బైట పడనే పడవు. ఆ మతలబులేవీ వంటబట్టకే ఆ డేరాబాబు పబ్లిక్ ముందంతలా ఖరాబైయిపోయింది స్వాములూ!
ఏనగడుతోనైనా ఎసుంటి నగా సట్రా యవ్వారాలసలు బొత్తిగా పొసగవని ఢిల్లీ సర్కారోడే ఎప్పటి కప్పుడు జెల్లకాయలు కొట్టేస్తున్నప్పుడు.. కొత్తవైతే ఏంటంటా.. రెండువేల నోట్లు జేబీల్లో పెట్టుకు దర్పంగా తిరగడానికి తప్ప కొట్లో ఇంత జిలేదీ చుట్ట కొని నోట పెట్టుకోటానికైనా అక్కరకొస్తుందంటావా అక్కా? ఎక్కడ చూసినా మూత బడ్డ ఏటియంలే మతి పోగొట్టేస్తుంటే ఎనీ టైం మనీ నీడ్సుకి ఇహ మీదట మా
బ్యాంకోడికి మల్లే బిచ్చగా రూ.
బొబ్చెడౌన్సమ్మెకు ది జనేది దొరక్క ముంబయ్ ఎక్సేంజయినా ఢమాలని షవడం రా నా యనా! ఖబడ్డార్ ! బుకీల సంగతే వో గాని బాబులూ.. బికారులం మేం కరువైతే మాత్రం బుల్లియన్ మార్కెటైనా 'బేల్' మంటూ కుప్ప కూలక తప్పదు తమ్ముళ్లూ! తస్మాత్ జాగ్రత్త సుమా!కార్లో పెట్రోలుకోసం టూరౌంజడేవన్నా పచేస్తుందేవో కానీ.. కారుటైర్లో గాలికి మాత్రం టూ రూపీ కాయినే కంపల్సరీ రైతు బజార్లో బడి రోజంతా చక్కర్లు కొట్టు తల్లి! పిబడి పచ్చనోటుకో ఉల్లిగడొచ్చినా ఒట్టే! వందనోట్లు వందున్నా ఒస్ రుపీ కాయిన్ కన్నంలో పడితే గానీ ఏ శాల్తీ బరువునూ వెయింగ్ మిషను తూయడు! మీ పిలగాడి పీచు మిఠాయి కోరిక ఏ పిచ్చి పచ్చనోటూ చేస్తే తీర్చదు. చిల్లర చేతిలో లేందే పైకెక్కద్దని ముందే హూంకరిస్తాడు బస్ కండక్టర్. హుండీలో హండ్రెడ్ రుపీస్ నోటేసేపాటి భక్తి ఎంత ఘనాపాటి భక్తుడికైనా ఉంటుందా ఏవిటీ? లక్ష్మీపూజ రోజు లక్ష్మీ మిట్టలైనా బిల్లర బిళ్లల కోసం దేవుళ్లాడాల్సిందే కదా! బ్యాంకులోళ్లు ఎట్లుగూ నోరెళ్ల బెట్టడం ఖాయం. దేవుళ్ల ముందు ఆ సంకట స్థితిలో భక్తులు అప్రతిష్ట కాకుండా కాపాడేది గుడి చిడీలమీద తిషే'సుక్కూర్చునే మా మాదా కబళం తిరిపిగాళ్ల నండీ బాబులూ! బిచ్చగాడంటే చిల్లర ప్రసాదించే 'గాడ్'. గుళ్లో దేవుళ్లు కూడా హారతి పళ్లెంలోకో రూపాయి బిళ్లను మించి ఆశించనప్పుడు బ్యాంకులోళ్లకే మరెందుకో మా చిల్లర జమల మీదంత మజాకు ఏ సర్కారోడూ మా గోడు వినిపించుకోడు. ఏ రిజర్వు బ్యాంకోడూ మా మొర ఆలకించుకోడు. కనకనే మా కాంచన్రాయి దాసు బాసు ఆ కలకత్తా హై కోర్టు తలుపు సంత గట్టిగా తట్టింది. ఏ నెగోషియబుల్ యాక్టు కోడైనా న్యాయాధీశుల బుద్ధికి తట్టక పోతుందా? తోడూ నీడా లేని మా కు చట్టం తోడుగా రాకపోతుందా అనే మా గోడు అన్నట్లు మాయాచ'కుల' పోళ్లందరం కలసి ఆ వకీలు బాబుకు వకాల్తా ఫీజుకింద సమర్పించుకున్నదేంటో తెలుసా సార్లూ! అక్షరాలా రెండు నిండు బస్తాల ఘట్టి రూపాయి బిళ్లలే మ్యాడమూ!
-కర్లపాలెం హనుమంతరావు
( సూర్య - కాలమ్ - 14 -09-2017 - ప్రచురణ )
No comments:
Post a Comment